श्रीगोंदा शहरामध्ये पोलिसांचा रूट मार्च..

संघर्षनामा वृत्तसेवा l श्रीगोंदा 

दि.१४सप्टेंबर २०२४

प्रतिनीधी,

आज शनिवार दिनांक 14.09.2024 रोजी 11.00 वा. ते 12.15 वा. या वेळेत श्रीगोंदा शहरामध्ये गणेशोत्सव व ईद‌ -ए -मिलाद अनुषंगाने कायदा आणि सुव्यवस्था अबाधित राखण्यासाठी श्रीगोंदा पोलीस स्टेशन येथुन - शनि चौक -छत्रपती शिवाजी महाराज चौक -मेन रोड -श्री संत रोहिदास चौक - विजय झेंडा चौक - कुरेशी मोहल्ला - सिद्धार्थ नगर - श्रीगोंदा बसस्थानक - जामखेड श्रीगोंदा रोड - काळकाई चौक - छत्रपती शिवाजी महाराज चौक -शनि चौक असा गणेशोत्सव मिरवणुक मार्ग, मिश्रवस्ती असा रुट मार्च करण्यात आला .

रुटमार्च करीता केंद्रिय राखीव पोलीस शिघ्र कृती दलाचे 1.अपर पोलीस अधिक्षक - 01,2.डिवायएसपी -01 3. पोलीस निरीक्षक -05, पीएसआय -03 व 100 जवान त्याचबरोबर पोस्टेचे 1 पोलीस निरीक्षक, 4 अधिकारी व 25अंमलदार हजर होते.

नागरिकांनी गणेशोत्सव व ईद -ए-मिलाद या उत्सवांचा  एकोप्याने आनंद घ्यावा. शांतता भंग न होता कुठेही अनुचित प्रकार घडणार नाही व कायदा आणि सुव्यवस्थेचा प्रश्न निर्माण होणार नाही याची दक्षता घ्यावी असे आवाहन श्रीगोंदा पोलीस स्टेशनचे पोलीस निरीक्षक किरण शिंदे यांनी केले आहे.