मिरजगाव परिसरात बिबट्याचा मुक्त संचार ,नागरीक भयभीत

संघर्षनामा वृत्तसेवा lमिरजगाव

दि.१४सप्टेंबर २०२४

प्रतिनिधी, उज्वला उल्हारे 

कर्जत तालुक्यातील मिरजगाव ,डिकसळ बाबळगाव शिवरस्त्यालगत माणिक बर्डे वस्तीनजिक बिबट्याचा मुक्त संचार दिसून आला असून माणिक बर्डे यांच्या गायी वर काल संध्याकाळी ६ते रात्री ९वाजे पर्यंत सलग तीन वेळा हल्ला करण्याचा प्रयत्न केला असता तो परतून लावला असल्याची माहिती माणिक बर्डे यांनी दिली.

सदर गायी वर हल्ला किमान एक तासात तीन वेळा केला असुन मुलगा संतोष आणि कुटुंबीय व कुत्रांच्या मदतीने धाडसाने परतून लावला पण त्यामध्ये १कुत्रे किरकोळ जखमी झाले असल्याचे ते म्हणाले.

त्यानंतर त्यांनी परिसरात फोन द्वारे माहिती दिली असुन काही वेळात नजदीक अशोक पवार यांचे वस्तीवर बिबट्या आढळला असल्याचे विलास माळी यांनी सांगितले.

पंचक्रोशीत भीतीचे वातावरण पसरले असुन नागरिकांनी सतर्क रहाणे गरजेचे आहे .

वनविभागाने याची तात्काळ दखल घेऊन गस्त वाढवून पिंजरे लावण्याची मागणी करण्यात येत आहे.