श्रीगोंदा मांडवगण रस्ता दुरुस्तीचे काम निकृष्ठ.एका महिन्यातच खचला रस्ता.

संघर्षनामा न्यूज l श्रीगोंदे

दि.१६जून २०२४

प्रतिनिधि,

श्रीगोंदा नगरपरिषद हद्दीलगत नव्याने दुरुस्त करण्यात आलेला या रस्त्याचे काम अतिशय निकृष्ठ पद्धतीने सुरू असुन कामासाठी निकृष्ठ दर्जाचा मुरूम तसेच कालबाह्य मशिनरी वापरण्यात येत असल्याचे वारंवार सार्वजनिक बांधकाम प्रशासनाला कळविण्यात आले होते.

तसेच सदर काम करणाऱ्या ठेकेदारास कामाचा योग्य अनुभव नसल्याने सक्षम अधिकाऱ्यांच्या उपस्थितीतच काम सुरू ठेवण्याचे सांगण्यात आले होते.

परंतु बांधकाम प्रशासन निवडणुकीच्या कामत व्यस्त असताना घाईघाईने काम पुर्ण करण्यात आले. 

परिणामी आज एक महीना पूर्ण होतो न होतो तोच दुरुस्ती केलेला रस्ता पुर्णपणे खचला असून अनेक ठिकाणी फुटून खड्डे पडण्यास सुरवात झाली आहे.

                चौकट-

कामासाठी खर्च करण्यात येणारा पैसा जनतेचा असून अशा बोगस कामांसाठी मुळीच खर्च करू दिला जाणार नाही. -

       इंजि. शामभाऊ जरे, तालुकाध्यक्ष संभाजी ब्रिगेड.

तात्काळ वरीष्ठ पातळीवर चौकशी अहवाल तयार करुन संबंधित ठेकेदारास काळ्या यादीत समाविष्ट करावे तसेच ईतर कामाची देखील पाहणी करुन स्थगीती देण्यात यावी.

सदर कामाचे योग्य पध्दतीने पुन्हा खोदकाम करुन दर्जेदार मटेरियल व योग्य मशिनरी वापरून सक्षम अधिकाऱ्यांच्या उपस्थितीतच काम पुर्ण करण्यात यावे अशी मागणी संभाजी ब्रिगेड कडून करण्यात आली आहे.